Президент Садыр Жапаров кыска мөөнөттүү иш сапары менен Баткен облусуна барды

Президент Садыр Жапаров 2026-жылдын 6-майында Баткен облусуна болгон кыска мөөнөттүү иш сапары менен барды. Иш сапардын негизги максаты — мамлекеттик чек араны демаркациялоо маселелери менен жеринен таанышуу болду.

Мамлекет башчысы сапардын алкагында Кадамжай районунун Ак-Турпак айыл аймагында жайгашкан “Торговый” базарына барды. Ал жерден президент базардын учурдагы абалы тууралуу маалымат алып, соодагерлер жана жергиликтүү тургундар менен баарлашты.

❮ ❯ ⛶

(Фото: Кыргыз Республикасынын Президентинин басма сөз кызматы)

Белгилей кетсек, 4 гектар аянтты ээлеген бул базар чек арага жакын аймактагы негизги соода жайларынын бири болуп саналат. Негизги соода күнү шаршембиде өтүп, ага 400гө жакын соодагер чогулат, ал эми туруктуу негизде жолдун боюнда 50дөй соода түйүнү иштейт.

Өлкө башчысынын облуска боло турган кийинки сапарларынын алкагында аймактын тургундары менен кеңири жолугушууларды өткөрүү пландалган.