2022-жылдан бери Украинадагы кеңири масштабдуу согуш Борбор Азия чөлкөмүнө өзүнүн кара көлөкөсүн түшүрүүдө. Орусиянын “көмүскө мобилизациясы” эмгек мигранттарын согуш талаасына айдоо менен уланууда. Адистердин айтымында, мигранттар бүгүнкү күндө Орусия үчүн эң арзан жана укуксуз “жумушчу күчү” гана эмес, фронттогу “тирүү калканга” айланды.

Каракол-2026: Пропаганданын изи

2026-жылдын 9-майында Каракол шаарында Жеңиш күнүнө карата өткөрүлгөн иш-чарада “Z” символикасынын колдонулушу коомчулукта чоң талкуу жаратты. Жергиликтүү телеканалдар аркылуу таратылган кадрлар Кыргызстандын маалыматтык коопсуздугу боюнча суроолорду жаратууда.

Аймактагы абал

Украинанын «Хочу жить» мамлекеттик долбоорунун маалыматы боюнча, 2025-жылдын октябрына карата Казакстандан барган 2380ден ашуун адам РФ тарапта согушуп жатканы аныкталган. Түркмөнстан региондогу эң жабык өлкө болгонуна карабастан, анын жарандары да бул кандуу кагылышка тартылып, кеминде 27 адамдын өлүмү тастыкталган.